Skilalýsing (Naustavör 2-12)

1. Frágangur innanhúss

1.1 Gólfefni

Íbúðin sjálf er afhent án gólfefna, nema á baðherbergi og þvottahúsi en þar verða flísar. Flísar eru frá Parka 30 x 60cm á gólfum og hvítar 25 x 50cm á veggjum eða sambærilegt.

1.2 Veggir

Útveggir íbúðar eru sandsparslaðir. Léttir innveggir eru hlaðnir úr vikur- eða gjallplötum, grófpússaðir og sandspartlaðir eða hefðbundnir gipsplötuveggir og sparslaðir. Veggir eru grunnaðir og málaðir með tveimur yfirferðum af plastmálningu gljástig 7-10. Baðherbergisveggir verða flísalagðir í ca. 2ja metra hæð.

1.3 Loft

Steypt loft eru slípuð, sandspörsluð og fínúðuð. Loft eru grunnuð og máluð með tveimur yfirferðum af plastmálningu gljástig 2-4.

1.4 Gler

Tvöfalt hefðbundið K-gler, verksmiðjugler, er í öllum gluggum. Ábyrgð framleiðanda er samkvæmt skilmálum Samverk glerframleiðanda.

1.5 Sólbekkir

Sólbekkir frá Fanntófell eru plastlagðir með lítið rúnnuðum framkanti.

1.6 Hurðir

Yfirfelld hurð EICS-30 inn í íbúðina er spónlögð með eik sem og aðrar innihurðir og fylgja fullfrágengnar. Hurðirnar eru frá Parka og framleiddar í Þýskalandi.

1.7 Fataskápar

Fataskápar/fataherbergi í svefnherbergjum og forstofu eru sýnilegar hliðar og hurðir spónlagðar með eik frá Brúnás innréttingum en að innan úr plasthúðuðum spónaplötum.

1.8 Eldhús

Eldhúsinnrétting frá Brúnás innréttingum er spónlögð með eik, hvítum efri skápum og plastlagðri borðplötu með beinum kanti. Innrétting er að innan úr plasthúðum spónaplötum. Eldhúsvaskur og blöndunartæki í eldhúsi eru frá Tengi. Eldhústæki eru AEG frá Bræðurnir Ormsson, 6000w glerhelluborð, 3000w ofn með blæstri, gufugleypir með kolasíu og örbylgjuofn.

1.9 Baðherbergi

Á baðherbergi er gólf flísalagt svo og veggir í ca. 2ja metra hæð. Þar er innrétting frá Brúnás innréttingum og eru sýnilegar hliðar og hurðir spónlagðar með eik en að innan úr plasthúðuðum spónaplötum. Einnig er spegill, handlaug í innréttingu, handklæðaofn, upphengt og innbyggt salerni ásamt flísalögðum sturtubotni með 90-100 cm glerþili. Hitastýrð blöndunartæki frá Tengi eru við sturtu. Baðherbergisloft er málað með málningu í 30% gljáa.

1.10 Þvottahús

Innrétting í þvottahúsi er neðri skápur með skolvask í borði og blöndunartækjum á vegg eða í borði. Gólf verður flísalagt. Niðurfall er í gólfi. Tengi er fyrir þvottavél og þurrkara, gert er ráð fyrir barkalausum þurrkurum.

1.11 Sérgeymsla

Steypt loft og veggir sérgeymslu eru hreinsaðir og málaðir. Skilveggir á milli geymslna eru með timburgrind og plötuklæðningu, en án innréttinga og með hvítmálaðri yfirfelldri hurð fyrir. Loft, veggir og gólf eru máluð. Rafmagnstengill í sérgeymslum.

1.12 Ofnakerfi

Sameiginlegt ofnakerfi (hitaveita) er í öllu húsinu skv. teikningu. Ofnakerfið fylgir frágengið og eru hitastýrðir lokar á því.

1.13 Loftræstilagnir, vatns og skólplagnir

Loftræstilagnir ásamt vatns- og skolplögnum er skilað með áföstum blöndunartækjum eftir því sem að við á skv. teikningu. Forhitari er á heitu neystluvatni.

1.14 Rafmagns- og sjónvarpslagnir

Rafmagns- og sjónvarpslögn fylgir frágengin og er fullfrágenginn mynddyrasími með einu símtóli í íbúð. Loftnetstenglar eru í alrými og hjónaherbergjum. Símatengill er í alrými og herbergjum.

2. Frágangur sameignar

2.1. Anddyri og stigahús

Anddyri er flísalagt með uppsettum póstkössum en stigar og stigapallar teppalagðir. Stigahlaup að kjallara verður flísalagt ásamt stigapalli á inngangshæð og í kjallara. Á stiga og pöllum eru uppsett handrið. Steyptir innveggir í sameign og geymslum eru hreinsaðir og málaðir. Sameign á hverri íbúðarhæð og stigagangar eru sandspartlaðir, grunnaðir og málaðir með tveimur yfirferðum af plastmálningu.

2.2. Hurðir

Allar útihurðar fylgja frágengnar. Aðalhurð er úr áli án rafmagnsopnunar. Innri anddyrishurð er álhurð með rafmagnsopnun. Hurðir frá bílageymslu gegnum brunastúku eru með rafmagnsopnun.

2.3. Lyftur

Lyftur frá Kone verða í hverju stigahúsi.

2.4. Bílageymsla

Bílageymsluhús er niðurgrafið og tengd stiga- og lyftuhúsum. Þar eru heraklithplötur og/eða einangrun í lofti. Útveggir eru einangraðir að utanverðu og múrhúðaðir. Steyptir veggir eru hreinsaðir og slípaðir að innanverðu og málaðir í ljósum lit. Hitablásarar og loftræsikerfi fylgir fullfrágengið í samræmi við teikningar. Gólf er steypt og vélslípað án frekari meðhöndlunar en bílastæði eru merkt. Hurð fyrir bílageymslu fylgir frágengin með sjálfvirkum opnunarbúnaði og einni fjarstýringu á íbúð.

2.5. Hjóla- og vagnageymslur

Steyptir innveggir í hjóla- og vagnageymslu eru málaðir.

2.6. Sorp og sorpgeymslur

Sorpgeymsla er í sameign og utan við bílageymsluhús með álfellihurð. Veggir í sorpgeymslu eru filtaðir/múraðir og málaðir.

3. Frágangur utanhúss

3.1. Klæðning og einangrun

Húsið er einangrað með 125 mm steinull og klætt að utan að mestu með báruáli. Kjallaraveggir og fleira er múrað með litmúr og/eða steinað að utan með marmarasalla.

3.2. Þak

Þak er flatar steinsteypuplötur með ásoðnum tjörupappa og einangrun þar ofaná , einangrað með 200-250 mm. Rennur og niðurföll eru tengd regnvatslögnum.

3.3. Svalir

Svalagólf eru staðsteypt og slípuð upp úr steypu. Svalahandrið eru úr áli og með glerhliðum. Útiljós og rafmagnstengill eru á svölum.

3.4. Gluggar

Gluggar eru álklæddir timburgluggar frá Berki. Opnanleg gluggafög fylgja frágengin, svo og allar úti- og svalahurðir að fullu frágengnar með þéttiköntum.

3.5. Lóð

Lóð er fullfrágengin með grasþökum og gróðri samkvæmt leiðbeinandi teikningu landslagsarkitekts. Stéttar næst húsi eru hellulagðar og snjóbræðslulögn í gangstíg framan við húsið skv. teikningu. Bílastæði eru malbikuð.

4. Hönnuðir

Arkitekt: Björn Ólafs (París) hannaði og teiknaði húsið.

Verkfræðihönnun var unnin af Vektor.

Raflagnahönnun var unnin af LX (Lumex) Teiknistofu.

5. Byggingaraðili

Byggingarfélag Gylfa og Gunnars hf. www.bygg.is

6. Afhendingartími

Naustavör 2 verður afhent í maí 2015. Bílageymsluhús Naustavör 2 afhendist í maí 2015.

Sameign að Naustavör 2-8 að utan og lóð verða afhent haustið 2015.

Allar breytingar á íbúðinni sjálfri og einstaka hlutum í henni, að ósk kaupanda, geta haft áhrif á afhendingartíma til seinkunar.