Kópavogsbrún 2 - 4

Átta íbúða fjölbýlishús, vel staðsett og vandað að allri gerð. Kópavogsbrún 2-4 er ein lóð með tveimur húsnúmerum. Jarðhæðin er sameiginleg en þar er bílageymsla, viðbótar íbúðarrými og geymslur.

Húsið er einangrað að utan og klætt fyrsta flokks postulínsflísum með lágmarks rakadrægni og hámarks frostþoli. Bílageymslan er einangruð að innan og filtuð með gráum múr að utan eða máluð í sama gráa lit og gluggarnir.

Ál/trégluggar eru steyptir í veggina sem gefur hámarks þéttleika. Tré að innan gefur hlýleika og ál að utan létt viðhald. Útihurðir og svalahurðir verða úr tré og í sama gráa lit og gluggar að utan en hvítar að innan. Opnanleg fög eru úr áli. Þeim má loka tryggilega en samt skilja eftir rifu svo hreint loft komist inn.

Þakið er vandaðra en gengur og gerist. Það er lágreist valmaþak (hallar í allar áttir), uppstólað, vel loftræst og nær 40 cm út fyrir húsið. Þýskar PREFA ál þakrennur af vönduðustu gerð verða allan hringinn. Rennurnar verða 125 mm breiðar eða 5“ í stað 4“ sem er algengast. Niðurföllin verða 80 mm breið eða 10 mm breiðari en vanalega.

Þakkanturinn er álklæddur að framan verðu og klæddur undir með máluðum tréborðum.

Snjóbræðslukerfi er í bílastæðum, gangstétt, útitröppum og skábrautinni að og frá bílageymslunni á jarðhæðinni.

Í húsinu eru tvær Schindler 3300® lyftur á milli jarðhæðar (íbúðarrými, geymslur og bílageymsla) og íbúðarhæða. Aðgengi á jafnsléttu er því um allt húsið.

Svalir hússins eru mjög stórar og langtum stærri en fólk á að venjast.
Ein íbúð hefur stóran sérgarð. Önnur íbúð hefur extra stórar svalir sem virðast vera sérgarður en skráist sem svalir samkvæmt byggingarreglugerð.